حاولت اخفي حبي بس الدمع فضاح

زهرة الامل · 13-May-2009, 01:22 PM

حاولت اخفي حبي حاولت اخفي حبي بس الدمع فضاح

بس الدمع فضاح

تعال اصير لك شاطي
اذا حزنك يصير امواج
تعال وخذ فرح قلبي
اذا قلبك بدا يعاني
حرام نعيش في دنيا الخجل
والصمت والاحراج
واحبك كلمه بلساني
وملت تسكن لسانك

كم واحد راحت ملامح شبابه
وضاعت حياته بين قاسي وكذاب
من وين ماجينا الامل صك بابه
وتخالفت بدروبنا هموم وانشاب
يالعنبو هالوقت لابو عذابه
لابو حياة كلها هموم واصعاب

ناس تفكر همهم يسعدونك
وناس تفكر كيف تقدر تبكيك
لاتشتري من حاولوا يخسرونك
ولا تخسر اللي فكر بيوم يشريك
مافيه اجمل من صديق يصونك
ولا فيه اقسى من قريب يعاديك
اكبر قهر لا صار ناس يبونك
وانت تبيهم بس حظك لعب فيك

لمت نفسي ولامني وقتي معاك
اشتكي من هم وأبكي من ألم
ياخطاي اللي توافق مع خطاك
لا سلم حبي ولاحبك سلم
انت اعز الناس ماتجهل غلاك
ما أعتقد هالحب يأتي من عدم
كل مامرو علي هذا وذاك
كلهم لاشي وانت اللي أهم

عذاب الحب ينهينى ... وانا مالي سواك انسان
ابكي ودمعى بعيني ... من المخطي من الغلطان
يموت الحب بيديني ... مثل موت الشجر عطشان
ابي منك تواسيني ... حياتي لودريت أحزان

قالوا حبيبك يقرأ الشعر.. قلت أيه
يقراه بعيوني قبل تسمعونه ..
لولاه حتى طاري الشعر مابيه
لكن كتبته لاجل خاطر عيونه ..
أكتب لغيره والقصايد تجي فيه
كن القصايد حالفه ماتخونه ..

أضرب رقم تسعه مع صفر وأثنين
واطلب من المأمور رقم الشريحه
يمكن نسيت الرقم ياكامل الزين
والايدين الوصل صارت شحيحه
ترى الوفا يجمع على الحب قلبين
وترى الجفا خصله وعاده قبيحه

كيف نامت عيونك وانت ظالمني
وانا عيوني تعاف النوم لو تزعل
اسهر وقلبي لجل عينك يخاصمني
كني انا اللي اخطيت ولازم اتحمل

صباح النور لا اكثر
صباح الورد بانواعه
صباح الشمس لي تظهر
ونور الفجر وشعاعه
صباح السحب لي تمطر
كل لحظة وكل ساعه
صباح الجوري لمعطر
بدهن العود واتباعه
وفوق اكثر ما تتصور
صباح الامر والطاعه

لا تلمس الجرح خل الجرح واسبابه
الله يخليك مافيني يكفيني
حتى حبيبي زمان الحب ما جابه
كان اخر انسان متصور يجافيني
يكفيني انه ترك لي شي اشقابه
دفتر قصيد وقلم مسجون بيديني

شلون اعيش اللي بقى لي بلياك
لامن غدينا كل واحد بوادي
اعلنت حبك لين كل تمناك
غلطة وغيري من خطاي استفادي
حلوة عذاريبك وحلوة مزاياك
وان مت في حبك ترى الوضع عادي

كنت اظنك في قصيدي بس مجرد خاطره
بس لقيتك في شعوري انت لي بيت القصيد
كنت اظنك في قصيدي بيت ممكن اكسره
بس لقيت الوزن ثابت من الوريد الى الوريد
كنت اظن الليل دونك بس ليل وبسهره
مادريت انه بدونك فجري المسفر بعيد

منهو بقالي كان عني تخليت
وانت الوحيد الي بعمري بقالي
الحب ماهو بس خذني انا جيت
الحب وقفة بين غالي وغالي
أحلم بشوفك شوفة الحي للميت
اللي عن أيامه خذته الليالي

ودي أكتب والقلم عيا يطيع
مدري الأشواق والا أنت السبب
كيف اعبر والحكي مني يضيع
أسعفيني يا قواميس العرب
ياحروفي أشعر بشي فظيع
في خفوقي نار واشواقي لهب
هذي اقلامي بكسرها جميع
في سكوتي تصبح اشواقي ذهب

أخفيت حبي لكن الدمع فضاح
يجري ويكتب فوق خدي "أحبـــــــــــــــــك "

ماهو بكيفك ياهوى البال تجفا
الموت بيد الله وانا اللي بجافيك
والجرح جرحي وازهله راح يشفى
ماهو بعايش ينتظر لمسة ايديك
ولوكنت هاقي بالشهر يوم تصفى
ماقلت لك روح وانا خاطري فيك

قصة الحب العفيفه دونيها
في سلاسل عقد جيدك علقيها
واحرقي كل الرسايل والقصايد
وفي مهب الريح روحي وانثريها

الحب مثل النار تبدأ شرارات
ومهما لهبها طال تبقى محدوده
تصبح رماد عقب ماهي بجمرات
مثل السحاب يزول لا انهى رعوده

لو الجفا والبعد يعطي شهادات
كان انت ماجستير نسيان وقطاعه

سيناريو حبي معك فيلم كرتون
تجي النهايه ما عرفت البدايه...
قصة غرام بين فاتن ومفتون
صارت ودارت بينهم دون غايه...
قصه غريبه بين عاقل ومجنون
وصاروا مجانين سوا بالنهايه...

تحيااااااا حاولت اخفي حبي بس الدمع فضاح

ااااااتي

[url=http://www.de4school.com/vb/showthread.php?t=14298]تحميل[/url]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
برنامج Hide IP Platinum 3.50 Portable التصفح الخفي اخفى ip	امير الظلام	البرامج الكاملة	3	08-Apr-2008 08:46 AM

الذين يشاهدون محتوى الموضوع الآن : 1 ( الأعضاء 0 والزوار 1)

حاولت اخفي حبي بس الدمع فضاح

مسجات حلوة 2010 رسائل جوال موبايل 2010 sms